ما هى مكونات مراكز البيانات Data Center ؟ ومواصفات غرفة السيرفرات؟
 |
ما هى مكونات مراكز البيانات Data Center ؟ ومواصفات غرفة السيرفرات؟
|
ما هى مكونات مراكز البيانات Data Center ؟ ومواصفات غرفة السيرفرات؟
مركز البيانات أو الداتا سنتر هوالمبنى أو القسم الأكثر أهمية و حساسية للشركات و المؤسسات الكبري واللي بيُمثل العقل و القلب النابض للعمل ككل.
لأن من غيره أو حتى مجرد توقفه للحظات ممكن يتسبب فى خسائر فادحة و فى بعض الأحيان إنهيار لأرصدة بعض الشركات والمؤسسات الكبري وأسهمها فى البورصة.
فى التدوينة دى هنحاول تعريف مواصفات غرفة Data Center، وأنواع مراكز البيانات و كيفية تأسيسها وإنشائها ومواصفات غرفة السيرفرات الفنية لبناء مركز بيانات ناجح.
الداتا سنتر Data Center
الداتا سنتر Data Center والمعروفة بـ مركز البيانات هو مَقر أو مكان فعلى زى غرفة أو مبني كامل مثلاً مش مكان أو نظام إفتراضي.
وبتحتوي الغرفة دى على عدد من السيرفرات المتصلة ببعضها البعض لتكوين شبكة معلومات ضخمة بداخل المؤسسة أو الشركة، والسيرفرات و الأجهزة المستخدمة فى إنشائها لها أنواع و مواصفات مُختلفة حسب الغرض الأساسي من إنشائها وتشغيلها.
أنواع مراكز البيانات
بالتأكيد فيه أنواع مختلفة من الداتا سنتر وبتختلف على حسب الدور اللى هتوفره للمستخدم، واللى بيترتب عليه إختلاف كبير فى أنواع السيرفرات و البرامج Software و الخصائص Features المستخدمة و ممكن نقول إن أشهر وظائف مراكز البيانات هى.
- مركز بيانات خاص
النوع ده بيتم بناءه لخدمة مؤسسة واحدة (شركة – بنك – وزارة) لعمل ربط كامل بين جميع الأقسام و الفروع ، و بيكو ن النصيب الأكبر من الإستخدام مُقتصر على موظفي الشركة و المشتركين معها فقط.
- داتا سنتر شركات إستضافة المواقع والتخزين السحابى
طبعاً شركات إستضافة المواقع بتحتاج لإنشاء داتا سنتر مكونة من عدد كبير من السيرفرات المتصلة بشبكة الإنترنت. منها سيرفرات كاملة Dedicated Servers و سيرفر VPS و ريسلر إستضافة من أجل توفير الخدمة للمستخدمين أصحاب المواقع و المنتديات..
ومن أشهر شركات الإستضافة اللى بتمتلك داتا سنتر خاصة بها بلوهوست، جو دادى، ايه تو هوستنج، و أيضاً هوست جيتور وأشهر شركات التخزين السحابى (Cloud Storage) جوجل درايف، دروب بوكس، ميكروسوفت وان درايف.
- مراكز بيانات مواقع الويب 2.0
مواقع Web 2.0 المشهورة مثل المدونات و مواقع التواصل الإجتماعي (Youtube – Blogger – Facebbok) واللى بتتيح للمستخدم خصائص تفاعلية بتحتاج إلى داتا سنتر لتخزين كل المعلومات دى بداخلها.
وموجود أنواع مختلفة من مراكز البيانات بيتم تصميمها حسب الغرض الأساسي فى التشغيل الخاص بها.
مكونات غرفة السيرفر
طبعاً الموضوع مش مجرد توصيل لبعض السيرفرات ببعضها بالبساطة دى..لأ!، ولكن مكونات غرفة السيرفر ليها معايير ومواصفات أساسية لإنشاء مراكز البيانات.
سواء فى تكوين وتأسيس الغرفة أو فى موارد ومكونات السيرفرات نفسها. وده طبعاً للحصول على داتا سنتر تكون قادرة على حفظ و مشاركة البيانات 24 ساعة يومياً و طوال أيام العام و بدون توقف نهائياً لسنوات.
المعايير والمواصفات الأساسية لإنشاء غرفة السيرفر
فيه معايير و مواصفات أساسية لإنشاء أى مركز بيانات ومن أهم المعايير دى:
- موقع مركز البيانات من حيث المنطقة أو الغرفة
المكان من حيث المبنى أو الغرفة التى هيتم تخصيصها لإنشاء الداتا سنتر من أهم العوامل الأساسية فى إنشاء مركز بيانات ناجح.
- إشتراطات ومعايير السلامة و الأمان
تعتبر الإشتراطات و معايير السلامة و الأمان لإنشاء data center من الأمور اللى بتحتاج لتكاليف مرتفعة جداً.
وتوفير البيئة المناسبة لتشغيل السيرفرات و توفير السلامة و الحماية للأجهزة و العاملين داخل الداتا سنتر بيعتبر شرط أساسي، وطبعاً الغرفة المفروض تكون مؤمنة ضد الحرائق و بها أجهزة رصد وإنذار لتأمين مثل هذه الحوادث و فريق مدرب على كيفية إدارة الأزمات والتعامل معاها.
- جودة السيرفرات وسرعة الإنترنت
إستخدام سيرفرات فائقة الجودة والسرعة فى إنشاء شبكة المعلومات الخاصة بالداتا سنتر بمكونات صُنعت مخصوص لتحمل درجات الحرارة المرتفعة و العمل بدون توقف لسنوات متواصلة، وتوصيل المبنى أو الغرفة بوصلات إنترنت فائقة السرعة وده من أجل الحصول على وصول سريع للبيانات من داخل السيرفرات وعرضها أمام المستخدم للمشاهدة أو التحميل.
- مهندسين وفنيين مدربين على أعلى مستوي
إنشاء داتا سنتر ثابتة فى أدائها و مستقرة لأطول وقت UpTime و بدون إنقطاع يحتاج لفريق محترف من المهندسين والفنيين أصحاب خبرة ومدربين على أعلى مستوي، مهندسيين متخصصين فى الحماية من الإختراق و الهجمات الإليكترونية ومكافحة الفيروسات و متابعة لحظية للسيرفرات وأدائها، والإدارة كمان بتلعب دور أساسي فى التخطيط الجيد لمركز البيانات خصوصاً لو كانت علي خبرة سابقة باللى بيتم تنفيذه.
وطبعاً فيه مواصفات فنية كتير لإنشاء وتأسيس مراكز البيانات و لكن اللى ذكرناه هو أهم العوامل فى إنشاء Data Center مطابقة للمواصفات العالمية.
مواصفات غرفة السيرفرات Data Center
مواصفات غرفة Data center أو (المكان) المُخصص لإنشاء داتا سنتر فيه المفروض أنه يكون مصمم طبقاً للمعايير والمواصفات الأساسية لإنشاء غرفة السيرفرات.
ونظراً لأن مكونات وأجهزة مراكز البيانات هتكون شغالة طول الوقت و بقوة تشغيل عالية فمفروض يكون المكان بيحتوي على:
- مصدر الكهرباء و الطاقة الأساسى والإحتياطى.
وصول الكهرباء للمبنى بتوصيلات مقاومة و عازلة للحرارة و بقدرة ضعف القوة المطلوبة لتحمل ظروف التشغيل المتواصل وكمان أجهزة مانع إنقطاع التيار الكهربى للطواريء UPS لتجنب إنقطاع الخط الرئيسي وتوقف عمل السيرفرات.
- تنسيق و توزيع السيرفرات
يتم وضع السيرفرات و توزيعها داخل الغرفة أو المبنى بشكل منظم مبني على 3 نماذج هم الأفضل فى صناعة مراكز البيانات، النماذج دى مصممة من أجل تسهيل عمليات الحركة، الصيانة، التحديث و الوصول السريع لجميع السيرفرات والأجهزة والكابلات.
- نظام التبريد و التهوية
وجود مكيفات هواء تقدر تحافظ على درجة حرارة مركز البيانات حسب مساحتها و عدد الأجهزة المستخدمة فيه وتكون قادرة على العمل المتواصل، تركيب أجهزة لقياس درجة حرارة الغرفة للتعرف على المشاكل الناتجة عن إرتفاع درجة الحرارة أو البرودة واللى ممكن تدل عن توقف بعض السيرفرات عن العمل قبل تفاقم المشكلة.
إذا اتجمعت المواصفات دى فى أى غرفة تضمن بناء مركز بيانات ناجح قادر على خدمة المؤسسة و حماية بياناتها.
الطريق إلى داتا سنتر ناجحة
مركز البيانات الناجح هو اللى بيقوم دايماً بتوفير البدايل السريعة لأى عطل ممكن يظهر علي أى عنصر من مكونات غرفة السيرفر.
- النسخ الإحتياطي
بجانب غرفة الداتا سنتر أو بداخلها موجود قسم خاص و مسئول عن النسخ الإحتياطي Backup Room .
وبيقوم بعمل نسخ إحتياطية من ملفات وبيانات جميع الخوادم المشغلة فى مركز البيانات و نقلها إلى سيرفرات و خوادم أخري خوفاً من وقوع أى مشاكل فنية أو قرصنة (Hacking) على السيرفرات الرئيسية و ضياع البيانات فى لحظة.
تعليقات
إرسال تعليق